Project number:2025-1-AT01-KA220-YOU-000351976
PATS: Младите уметници го освојуваат јавниот простор
PATS проектот
PATS: Младите уметници го освојуваат јавниот простор (Performance Artists Take The Streets) е европски проект во кој главната улога ја имаат младите, целта на проектот е да ја користи силата на уметничките настапи во јавен простор за да поттикне граѓанска вклученост, општествен дијалог и еколошка свест.
Проектот ги обединува младите уметници, младинските работници и културните организации со цел заеднички да креираат и имплементираат уметнички активности и акции во јавен простор. Овие настапи покажуваат дека уметноста на улица има моќ да ја активира заедницата и да покрене важни теми за актуелни социјални и еколошки предизвици.
Со комбинација од онлајн учење, меѓународни обуки, јавни настапи, изложби и серијал кратки документарни видеа, PATS им обезбедува на учесниците практични алатки и реално искуство – како уметноста може да се користи не само како израз, туку и како форма на активизам и значајно учество во општествените промени.
Проектот поддржува креативна соработка меѓу партнери од пет земји, ја зголемува видливоста и влијанието на младинските уметнички иницијативи и ги зајакнува културните мрежи низ Европа.
Цели на проектот
Влијание
Проектот PATS создава долгорочно влијание затоа што им дава вистинска поддршка на младите уметници, младинските работници, организациите и локалните заедници да ја користат креативноста како двигател за социјален и еколошки ангажман.Учесниците стекнуваат практични вештини, поголема самодоверба и реални можности за соработка. Ова резултира со повеќе јавни настапи, нови иницијативи за застапување и партнерства меѓу организации од различни земји.
Младинските организации ги збогатуваат своите програми со креативен активизам, што им овозможува да допрат до поширока и поразновидна публика и да создадат поголемо локално влијание.
На ниво на заедница, PATS ги охрабрува граѓаните да го перципираат јавниот простор како место за дијалог, учество и заедничка акција. Така се инспирираат нови локални иницијативи што произлегуваат од уметнички израз и активна вклученост.